sabato 18 ottobre 2008

Könnten Sie es kürzer sagen?

Leute waren da,
Dinge geschahen,
Bewegungen wurden vollführt.

Es schmerzte.

Martin Auer


Sarebbe in grado di dirlo più brevemente?

C'era della gente,
Accaddero delle cose,
Si eseguirono dei movimenti.

Fece male.

domenica 5 ottobre 2008

Poesie di Virgilio Giotti dette da Claudio Grisancich




A casa di Giotti, di Claudio Sepin: link al video su youtube.


La casa

Mia casa, messa in alto
come un nido de usei,
co' le man mie e i mii oci
fata, nei ani bei

che i mii fioi cresseva
gavevo atorno, e bela
la mama: mia te son,
mia, come lori e ela.

Davero mi me sento
solo con ti, mia casa.
Co te torno, ogni volta
i mii oci i te basa.

Te torno come el sposo
che torna de la sposa,
che nel su' sol, via i cruzzi,
beato el se riposa.

Rivo suso, mia casa,
e 'pena che son drento
strachezza e mal de gambe
i sparissi. Me sento

de colpo calai i ani
e san. Franco sui pìe
me movo; e giro, e vardo
le care robe mie;

le carezzo, le indrizzo,
che ogni toco sia bel;
vardo fora el mio monte,
vardo par aria el ziel.

Ch'el par tanto vizin
Fora sul pergoleto,
tacado, "casa alta",
ai orli del tu' teto.

Quel ziel, che vien zo in ogi
no' saete: de pezo.
Ma mi, anca se tremo,
resto l'istesso in mezo

de la mia casa, pronto
de andar 'basso con ela.
E sarìa par mi,
forsi, la morte bela.

Mia casa, ma te son
Ti pròpio vera po'?
Mia casa squasi vera!
Un sogno che me go

trovà drento putel
te son. Ma vera, sì,
pal mio cuor, pai mii oci,
che i te vedi cussì.

Fermo 'sto cuor, seradi
'sti do oci, e anca ti,
mia, mia casa bela,
te gavarà finì.

Virgilio Giotti